Образцовый ансамбль цимбалистов
 

                  «Вясёлка»
 

Ансамбль цымбалістаў “Вясёлка” заснаваны ў 2006 годзе. Яго ўдзельнікі – пачынаючыя  музыканты ва ўзросце  ад  8 да 14 гадоў. Мастацкі кіраўнік ансамбля –Рыхцікава Вольга Уладзіміраўна, канцэртмайстар і аранжыроўшчык – Жаранкоў Віктар Уладзіміравіч.

З моманту свайго заснавання ансамбль вядзе актыўную культурна-асветную работу. Ён аднолькава паспяхова  выступае на ўрачыстых і святочных мерапрыемствах, як на адкрытых канцэртных  пляцоўках, так і ў  канцэртных  залах  горада  і  раёна. З'яўляецца пастаянным удзельнікам  гарадскіх і раённых мерапрыемстваў, канцэртаў  у  Быхаўскай дзіцячай школе мастацтваў, выступае  на  прадпрыемствах, філарманічных пляцоўках для жыхароў сельскай мясцовасці,  для ветэранаў, дзяцей-сірот  і  інвалідаў.

Ансамбль прымаў удзел у такіх значных мерапрыемствах, як: абласны цыкл мерапрыемстваў “З крыніц народных”;фестываль праваслаўнай культуры “Кладезь”; Рэспубліканская акцыя “Чарнобыль – шлях жыцця”;Рэспубліканскі семінар “Выхаванне націянальнага сазнання  праз далучэнне да  традыцыйнай  культуры”; святкаванне 70-годдзя вызвалення Беларусі ад нямецка – фашысцкіх захопнікаў;  Рэгіанальнае свята дзіцячага мастацтва “Русский портрет в белорусском интерьере”;Дзень пісьменніцтва (Быхаў 2013);”Дажынкі 2014;Рэспубліканскай акцыі “Нашы дзеці” і іншых.

Праграма ансамбля цікавая і рознабаковая:  народныя мелодыі і іх апрацоўкі, класічная музыка, творы прафесійных ісамадзейных кампазітараў, аўтарскія апрацоўкі і пералажэнні сучаснай эстраднай музыкі.

Разам  са звыклым, агульнапрынятымгучаннем  цымбал, калектыў,імкнучыся  зрабіць свае выступленні зразумелымі  і даступнымі  кожнаму слухачу,  працуе над пошукам новыхвыразных магчымасцей нацыянальнага інструмента, выкарыстоўвае сучасныя тэхнічныя сродкі.

Ансамбль “Вясёлка” ўдзельнічае ў шматлікіх конкурсах і  фестывалях, на якіх нязменна  атрымлівае дыпломы розных ступеняў:

2006 – 2010 Дыпламант раённага конкурса “Пусть всегда будет солнце”;

2006-2014 -Дыпламант раённага конкурса “Праўнукі Пабеды”;

2009 - Лаўрэат II ступені абласнога  конкурсу аркестровых калектываў;

2010 - Дыплом II ступені  VI Рэспубліканскі фестываль “Сярэбраны звон цымбалаў” (абласны этап);

2011 - Дыплом II ступені  I адкрытага рэгіанального фестываля-конкурса “Шклоў збірае сяброў”;

2012 - Дыпламант обласнога конкурса ансамблевых калектываў;

2013 -Грамата за паспяховае выступленне на абласным этапе VII адкрытага форума цымбалістаў “Сярэбраны звон цымбалаў”;

2014 - Дыплом I ступені на I абласным конкурсе аркестровых калектываў імя Л.Іванова (у складзе аркестра, кіраўнік В.Рыхцікава)

2015 - Дыплом Iступені раённага конкурса, прысвечанага 70-годдзю Перамогі “Паклонімся вялікім тым гадам”.

За актыўны удзел у культурным жыцці раёна, калектыў  і яго кіраўнік неаднаразова узнагароджаны удзячнымі лістамі і ганаровымі граматамі  Быхаўскага райвыканкама, аддзела ідэалогіі, культыры і па справам моладзі Быхаўскага райвыканкама, аддзела адукацыі Быхаўскага райвыканкама.

Валодаючы высокім творчым патэнцыялам,  ансамбль цымбалістаў “Вясёлка” не спыняецца на дасягнутым, увасабляе ў жыццё ўсё новыя творчыя ідэі і задумы,яскравымі выступленнямі  выклікая  цікавасць слухачоў да  беларускага нацыянальнага  інструмента.